![]() |
Главная Случайная страница Контакты | Мы поможем в написании вашей работы! | |
|
Сул цаг
Нарн уга болхла,
Сүүдр чигн уга.
Наадн уга болхла,
Инәдн чигн уга.
(Байдын Санҗара)
Негнд биш. Намаг …
Нәәмн кружокд бичлә.
Хальмг келнәднь би
Хая-хая однав.
Тууҗин болхла, оңдан,
Терүнд орад һарнав.
Тооһинд удан суухла,
Толһам өвдсн болна.
Зург цокдг кружокд
Зулала хоюрн бичгдләв.
Өдр болһн биш,
Өдр өнҗәд однав.
Наадк дөрвнь – секц
Нанд йир таасгдна.
Һаза, серүн аһарт
Һәрәдх, гүүх, наадх.
Толһаһан өндәдг цаг
Төрүц уга нанд
Υд күртл кичәлмүд,
Υдин хөөн кружок.
(Шугран Вера)
__________________
Сурһульч яһҗ сул цаган давулна?
Юңгад энүнд секцс таасгдна?
Тадн яһҗ сул цаган давулнат?
♦Харар барлата бәәлһнә нердин киисквринь, тооһинь келтн.
♦ Удан эгшгтә үгмүд олҗ умштн.
♦ Зург гидг үгд хадврмуд шинҗлҗ келтн.
– Алло, Баазр, һаза һарч наадый?
– Ноха угаһар һарч чадшгов.
– Нохаһар яахмч?
– Байрта намаг герин даалһвран кетл, һосим бултулчкна. Ноха бәәсн болхла, шулун гидгәр олад өгхмн билә.
Дата публикования: 2014-10-25; Прочитано: 755 | Нарушение авторского права страницы | Мы поможем в написании вашей работы!