Нёль вок

(мойдысь юкöн)

Олöны-вылöны нёль вок. Ёнысь-ёнöсь, мичаысь-мичаöсь. Некор оз пöрысьмыны. Зэв шаньöсь. Пыр старайтчöны му вылын да вö-ваын олысьяслы вöчны кыдз позьö унджык буртор.

Первой воксö шуöны Тулысöн.

Воас кадыс да кузь туйö медводз пеас Тулыс. Кыті мунас сійö, кутшöм муясö тувччылас сылöн кокыс, быдлаын пондас шондöдны, ловзьыны, кыпавны. Садьмöдас шоръясöс, йи улын шойччысь юясöс. Тшöктас мича паськöмöн вöччыны пуяслы. Шоныд муясысь, саридзьяс бердысь аскöдыс вайöдас и быд сикас лэбачьясöс. Тулыс вок тэрмöдлас быдöнöс: гöрысь-кöдзысьясöс, вöр кылöдысьясöс, велöдчысьясöс, медым быд удж вöлі вöчöма ас кадö да бура.

Кыпыд Тулы сёна и гажöдас йöзöс, пöткаясöс, зверъясöс. Челядьöс гожйöдас, унджыкпöлöс зверъяслысь паськöмсö вежас, пöткаясöс тшöктас сьывны-гажöдчыны, вын-эбöс сетас юяслы да шоръяслы.

Тулыс уджалас лун и вой. Уна буртор коляс ас йывсьыс му вылö. Кор вель ёна мудзас, отсöг вылö чукöстас ассьыс воксö – Гожöмöс.

Удж. Лыддьы приметаяс. Содты кадакывъясын локтан када суффиксъяс.

1. Кузь йинёньяс öш… керка вевт дорышö – тулыс нюжал…

2. Сьöд рака воис – кызь лун мысти йи вöр…, тöлысь мысти лым сыл…

3. Тулыснас кö лымйыс сыл… öдйö, а ытваыс исковт… тэрыба – виччысь васöд гожöм.

4. Кыдзлöн кö водзджык восс… коръясыс ловпуысь – гожöмыс ло… зэра.

5. Чикыш во… - гым ва…

6. Май дас коймöд лунö кö войыс шоныд да кодзула – гожöмыс ло… кос.

Удж. Мичаа лыддьы кывбурсö. Инды локтан када кадакывъяс.

Тулыс.

Бара воас гажа тулыс, Гöгöр ставыс лоас веж! Бокад тэсö эн жö сулав, Аслад муса бать-мам мулань, Дона пиöй, зіля кеж!.. Тувсов асылö тэ петан Гöрны-кöдзны паськыд йöр

Сэк, кор шонді кисö сетас Зарниавны му и вöр. Сьöлöм вылад долыд-долыд! Сьылö тракторъяслöн гор Шуднад збыльысь тырас лолыд, Вöчöмтортö аддзан кар. С. Попов

Лыддьы, мöвпышт да юк тувсов тöждъяссö куим пельö.

Удж. Сетöм кывтэчасъясö лöсьöд юöр тувсов уджъяс йылысь.

Рисунок: в центре круг с надписью «тулысын». От него идут лепесточки, на них также надписи: пуктасны дзоридзьяс, киськаласны пуктасъяс, пелькöдöны öшинюв, гöрöны муяс, градъяс, небзьöдöны му, дасьтöны кöйдысъяс, кöдзöны кöйдыс рöсада вылö, пуктöны картупель, лöсьöдöны парник, парникö пуктöны öгуреч-помидор, сотöны верстьöяскöд колян вося турун, коръяс, шыблалöны лым, идралöны йöъяскералöны пуяс вылысь кос увъяс, мыськöны öшиньяс.

Удж. Лыддьöй да лöсьöдöй ёрта сёрни.

Рисунок: россада капусты и свеклы в парнике.

Виричын сёрнитöны капуста да свеклö рöсадаяс.

– Кор нин шондöдас да миянöс петкöдасны шоныд муö? – шогсьö свеклö.

– Воас кад и петкöдасны. Таысь эн шогсьы. Воысь воö миянöс пыр этшаджык пуктöны, надейтчöны дась вылас, – шогсьö капуста.

– Да-а. Водзті вöлі ми кодьтö мыйта пуктасны! Öні ставыс ёгöн тырöма. Регыд кыкöн и Колям.

Удж. Гиж «Тувсовъя уджъяс» творческöй диктант.

Со и воис дыр виччысяна тулыс. Кыз эшкын улысь мыччис ассьыс чужöмбансö му. Чургöдіс юрсö медводдза дзоридз – вижъюр. Тулыс воöмкöд и воасны тувсов тöждъяс-уджъяс. Ковмас гöрны му, …

Удж. Тöдмав нöдкывъяс.

1.	Витаминыс сыын уна, Курччан – синва пычкан друг. Уна вöлöгаö мунö, Тайö, дерт жö, град выв…	3.	Ичöт керка вöчис дедö, Ме тшöтш отсаси и бабöй. Лэптім зіб вылö, сэн медым Олас-вылас сьылысь …
2.	– Дуньö! Дуньö – горзöм кылö, Роскöн вöтлысям бур здук. Шоныд рытö ывла вылын Тадзи кыям майскöй …	4.	Зэрöм бöрын енэжтасöдз Öшъяс джынъя мича асык Сизим рöма ыджыд кöшöн Васö юö …

Н. Щукин

Удж. Лыддьы кывбурсö да велöд наизусть.

Тулысöс кыдзи он радейт,

Сы йылысь кыдзи он сьыв?

Кор весиг дзор тошка дядьлöн

Дзордзалö чужöм выв?

Кор сынöдас сьыланкыв сьылö,

Муслунöн öвтö тöв,

И меліа кышакылö

Бадьясöн мöдлапöв.

А. Размыслов

Удж. Аддзы серпас дорö лöсялана сёрникузяяс.

Рисунок: Грачи прилетели (Саврасов)