Сот психиатриясының пәні және әдісі

Зерттелушінің жағдайын нақты және негізделген психопатологиялық саралау жүргізетін клиникалық әдіс психиканы зерттеудің негізгі әдісі болып отыр. Психикалық бұзылудың табиғатын және сипатын анықтайтын барлық пайда болған фактілер сот психиатриялық бағалауды жеңілдетеді.

Әртүрлі психикалық бұзылулардағы қабілетсіздіктің критерийлерін әрі қарай теориялық және практикалық дайындау сот психиатриясының қазіргі міндеттеріне жатады. Психопатия, шизофрения кезіндегі ремиссия сияқты күрделі клиникалық мәселелердің сараптамалық ыңғайын негіздеу және мұқият саралау қажет. Азаматтық іс жүргізудегі сот психиатриялық сараптаманың өскен мәні қабілеттілік – қабілетсіздік критерийлерін терең дайындауды және нақтылауды қажет етеді. Сот психиатрлары психикалық аурулардың қоғамға қауіпті әрекеттерінің алдын алуға айрықша көңіл бөлулері қажет. Мәжбүрлеп емдеу – мұндай профилактиканың негізгі әдістерінің бірі. Мәжбүрлеп емдеуден шыққан тұлғалар тұрғылықты жерлеріндегі психоневрологиялық диспансерлердегі және басқа медициналық мекемелердегі дәрігерлердің бақылауына түсулері керек; олар арнайы есепте болулары қажет. Бұл оларға уақытылы бақылау жүргізуді ұйымдастыруға және ауру қабынған немесе рецидивтенген кезде қайта госпитальдауды жүзеге асыруға мүмкіндік береді.

Тақырып бойынша әдебиет:

1. В.Н. Крюков, Сот медицинасы, - Москва: «Норма», 2004 ж.

2. В.Л. Попов, Сот-медициналық сараптама, Анықтамалық: - Санкт-Петербург: «Питер», 1997 ж.

3. В.Л. Попов, Сот медицинасы, - Санкт-Петербург: «Питер», 2000ж.

4. Г.С. Шанаева, Сот-медициналық сараптама, -Алматы: - «Дәнекер», 2003 ж.