Тодлтн. Идет снег метет пурга сугробы

Рис.

Идет снег метет пурга сугробы

цасн орҗана шуурһн шуурчана көр

2. Күүндвр соңстн. Күүндтн.

А.: Һаза йир киитн. Шуурһн шуурчана.

Ә.: Соньн зәңг. Цанар дошҗ болҗана.

А.: Невчк күләх кергтә. Салькн үләҗәнә.

Чиигтә цасн орҗана. Мана хувцн норч одх.

Ә.: Э, тиим, үд күртл күләхмн.

3. Тодлтн. Шинҗлтн.

Рис. солнце встает солнце в зените солнце садится

өдрин эклц һал өдр өдрин чилгч

Үвлд өдрмүд ахрдна, сө утдна. Өдрин эклц 8 часас авн эклнә. Һал үд

12 часла болна. Өдрин гегән асхн 5 часас авн экләд тасрна. Өдрин

чилгч асхн 6 часла болна.

Умштн.

Үвлин эклц

Үвлд нарна күчн баһрна. Нарн үзгдхш. Үвлд өдр ахрдна, сө утдна. Цасн орна. Һазр цәәҗ одна. Киитн эклнә. Әмтн дулан хувцан өмснә. Шовуд дулан һазр орад нисҗ одна. Шовудас богшурһа, керә, шаазһа үлднә. Һол, нуурин усн көрнә. Бичкдүд конькиһәр дошҗ наадна. Түрүн орсн көвкр цасн деегүр баһчуд цанар дошҗ наадцхана.

а) Сурврмудт хәрү өгтн.

1. Үвлин эклцәр нарна күчн ямаран?

2. Үвлд өдрин бәәдл ямаран?

3. Ямаран шовуд дулан һазрур нисҗ одна?

4. Ямаран шовуд дулан һазрур нисхш?

5. Үвлд бичкдүд яһҗ өдрән давулна?

6. Чи конькиһәр дошҗ чаддвч?

7. Чини дурта җилин цаг ямаран?

5. Чееҗәр дастн. Үвл

Көдә көк һазр Көвүд, күүкд көөлдәд

Көлән җииһәд унтҗ, Конькиһәр цервҗ дошлдна.

Көвң болсн цасар Киитрх дутман мөсн

Көнҗл кеһәд бүркҗ. Кесг зүсәр намчрна.

Мана өөмдг усн Хурлзад нисдг богшурһас

Мелмәһәд ормдан көрч. Хавталдад хашаһар бултна.

Мөңгн усн болсн Хоңшаран җивртән дүрәд,

Мөсәр бийән батлҗ. Хорһдад тагчг бегзилднә.

Эрнҗәнә Константин.