Гöсьтъяс

Юралöн чужан лун. Сы дорö локтісны гöсьтъяс. Найö вайисны сылы козинъяс. Вова – уна рöма серпасъяс. Катя – уна рöма карандашъяс. маша – небöг. Коля – шоколад.

Ставöн сетісны козинъяс Юралы и кутісны ворсны. Сэсся воис Вася. Юралы лои нимкодь. Сійö думыштіс, со нöшта гöсьт, нöшта öти козин.

Но Вася киас эз вöв козиныс.

– А кöні нö козиныд? – юаліс Юра.

– Кутшöм козин? – чуймис Вася.

– Менам жö Чужан лун, – висьталіс Юра.

– Ме эг тö, – ньöжйö висьталіс Вася.

– А öні тöдмалі? Сідзкö, ветлы, козинла.

Тайö кыліс Юралöн мамыс. Сійö висьталіс:

– Некытчö эн мун, Вася. Ми тэнö виччысим, а эгö тэнсьыд козинтö.

Юра гöрдöдіс, и лэдзис юрсö.

Кыдзи тэ чайтан, мыйла?

Юалöмъяс:

1. Кыдзи тіян кольö Чужан луныд?

2. Тэ виччысян ёртъястö или козинъяс?

3. Коді волö тэ дінö гöститны?

4. Кутшöм ворсöмъяс ті нуöданныд чужан лун вылын?

5. Мыйö тэ чöсмöдан гöсьтъястö?

6. Мый тэ кужан дасьтыны пызан вылö?

7. Код йылысь мунö сёрниыс?

8. Кодъяс локтісны Юра дорö?

9. Позьö-ö тадзи паныдавны гöсьтъясöс?

II морт öтка лыд II морт уна лыд

велöдчы-ны ‘учись’ велöдч-ыны + öй‘учитесь’

Соссяна форма:

эн кор энö корöй

Удж. Лыддьы да гöгöрво. Вочавидз юалöмъяс вылö. Аддзы тшöктана форма кадакывъяс.

Удж. Ыдждöдлöй именниникöс.