Тема: День рождения

Рисунок: мальчик рассматривает подарки.

Козин.

Нимлун дырйиыс пыр нин öта-мöдныслы козинъяс вайлöны. Со и Максимлöн талун нимлун. Кор гöсьтъяс разöдчисны, Максим босьтчис видлавны козинъяс. медъёна Максимлы воис сьöлöм вылас Витялö клюшкаыс. Да и доныс – 3 шайт 50 ур. Максим öта-мöд бöрся видлаліс став козинсö. Со и Öньö клюшка жö вайöма. Павлик вайöма «Опасные повороты» ворсантор. Доныс 2 шайт да 50 ур. Абу жö лёк. А Нина вайöма козин – небöг. «Мöдысь Öньööс да Витькаöс бара кора, а Нинаöс ог кор, – думыштіс Максим. – Мед оз скупитчы». Книгаыслöн доныс вöлі 60 ур.

Е. Габова серти

– Мый тіянлы козьнавлöны нимлун дырйиыд?

– Мыйöн ті чöсмöдланныд гöсьтъястö нимлун дырйиыд?

– Мыйысь ворсанныд?

– Кодъясöс пырджык чукöстланныд?

– Кутшöм козинъяс тіянлы медъёна кажитчисны?

Кутшöм вузасянінъяс эмöсь? Мый сэтысь позьö ньöбны?

Вузасянін:

1. сёян-юан 2. кöлуй 3. чача 4. козинъяс

5. вуграсьысь 6. канцтовары 7. запчасть

Лöсьöдöй висьтасьöм «Кöлуй лавкаын».

Отсöг вылö:

воссьö – открывается пöдласьö – закрывается пажын кад – обед вузалöны – продают доныс – цена бöрйыны – выбрать ас вылö видлыны – померять стöч – как раз

оз тöр – не влезает ыджыд – большой векньыд – узкий паськыд – широкий кузь – длинный оз мун – не идет, не подходит мунö – идет, подходит