Припев: Пресвята́я Богоро́дице, спаси́ нас. Богоро́дичен: Неискусобра́чно родила́ еси́, Де́во,/ и по рождестве́ яви́лася еси́ де́вствующи па́ки:/

Богоро́дичен: Н еискусобра́чно родила́ еси́, Де́во,/ и по рождестве́ яви́лася еси́ де́вствующи па́ки:/ те́мже немо́лчными гла́сы,/ е́же ра́дуйся, Тебе́, Влады́чице,// ве́рою несумне́нною взыва́ем.

Кано́н Предте́чи, глас 6:

Припев: Святы́й Проро́че, Предте́че и Крести́телю Госпо́день Иоа́нн, моли Бо́га о нас.

Тропарь: В етхаго был еси́ печа́ть, всебога́те, я́ве заве́та,/ и проро́ков коне́ц извести́л еси́,// и чертогокраси́тель же Боже́ственный Но́ваго яви́лся еси́, Предте́че.

Припев: Святы́й Проро́че, Предте́че и Крести́телю Госпо́день Иоа́нн, моли Бо́га о нас.

Тропарь: В ласяны́ми ру́бы обы́чно, Предте́че,/ честну́ю претерпе́л еси́ и сла́вную главу́ твою́ покры́ти ца́рскою багряни́цею,// я́ко ри́зою, ра́дуяся.

Припев: Святы́й Проро́че, Предте́че и Крести́телю Госпо́день Иоа́нн, моли Бо́га о нас.

Тропарь: З аре́ю, Предте́че, Боже́ственнаго Ду́ха чту́щий тя град всегда́ моли́ уясни́ти// и Боже́ственней па́мяти твое́й безпло́тным сра́доватися.

Припев: Пресвята́я Богоро́дице, спаси́ нас.

Богоро́дичен: М е́ртва мя показа́ сада́ вкуше́ние,/ живо́тное же дре́во, из Тебе́ я́вльшееся, Пречи́стая, воздви́же// и ра́йския пи́щи насле́дника мя сотвори́.

Кано́н Трио́ди, глас 4:

Припе́в: Поми́луй мя, Бо́же, поми́луй мя.

Тропа́рь: Н аи́тием Боже́ственным Уте́шителя, Твой храм освяти́,/ и прише́ствием Сего́ ерети́ческую пре́лесть отжени́,// Сло́ве Бо́жий многоми́лостиве. (Два́жды)