Главная Случайная страница Контакты | Мы поможем в написании вашей работы! | ||
|
Зерттеу барысында алынған тұжырымдар:
- Патша өкіметі азаттық көтерілістер мен толқуларды негізінен қазақ даласында кездестіргені және бұл процесс олардың Орталық Азия елдеріне қарай жылжуына тосқауыл жасағаны айқындалады;
- Көтеріліс жеңіліс тапқанмен, кейінгі өткен кезеңде оның тарихы әр қырынан зерттелді. Оның шығу себептері, сипаты мен қозғаушы күштері жөнінде, негізгі ошақтары туралы, ел тарихындағы осы айтулы оқиғаның тарихи маңызы хақында ондаған, жүздеген ғылыми еңбектер жазылды. Көтеріліс тақырыбына, оны ұйымдастырып, басқаруда ерекше көзге түскен тұлғаларға арналған көркем шығармалар да баршылық;
- осы тақырыпқа тікелей қатысы бар жекелеген мәселелер әлі де болса жан-жақты әрі терең зерттелген жоқ. Атап айтқанда, біріншіден, 1916 жылғы шілде жарлығына сәйкес майданның тыл жұмысына алынған мыңдаған адамдардың майдан шебіндегі атқарған жұмыстары, оларға жан-жақты көмек беруге ұмтылған Әлихан Бөкейхановтың төңірегіне топтасқан ұлттық-демократиялық интеллигенция өкілдерінің іс-әрекеттері, майдан шебінен 1917 жылғы көктем-жаз айларында елге оралған тыл жұмысында болғандардың Қазақстанның қоғамдық-саяси өміріне қандай деңгейде араласқандығы сынды мәселелер арнайы зерттеуді қажет етеді;
- көтерілісті аяусыз басып-жаншу кезінде Қытай ауып кеткен босқындар тарихы жөнінде де осыны айтуға болады. Бір ғана Жетісудан 1916 жылы 300 мыңдай қазақ және қырғыз халықтарының өкілдері Қытай ауып кетті деп жүрміз. Олардың қаншасы Қытайдың батыс өңірін мекендеп қалды? Жат жердегі олардың жағдайы қандай болды, қаншасы 1917 жылдан кейін елге оралды деген сұрақтарға әлі де толық жауап берілген жоқ. Ғылыми әдебиетте бұл жөнінде әр түрлі мәліметтер келтіріледі. Мұхаметжан Тынышпаевтың бұл сұрақтарға берген жауабы шындыққа жақын болғанымен, олар кей жағдайда осы тақырыпқа қалам тартқан Ә.Бөкейханов, О.Жандосов, т.б. авторлар мәліметтеріне дәл келе бермейді.
ҚОЛДАНҒАН ӘДЕБИЕТТЕР ТІЗІМІ:
1. «Қазақ тарихы» 2004ж. №1 87 бет
2. С. Кэреу. Кеңес империясы. Орта Азия түріктері және сталинизм 90 бет.
3. «Қазақ тарихы» 2004ж. №1 92 бет
4.Қазақстан тарихы. Көне заманнан бүгінге дейін. 3-том 639,647 беттер
5.Қозыбаев М.Қ. Қаһарлы 1916жыл (Құжаттар мен материалдар жиынтығы) Алматы. «Қазақстан», 1998ж. 163, 148-150 беттер
Дата публикования: 2015-01-13; Прочитано: 520 | Нарушение авторского права страницы | Мы поможем в написании вашей работы!