Молитва 5-я

О Премилосердая Госпоже, Царице Богородице! Приими смиренное моление наше, не отрини нас и не возгнушайся нас, недостойных, но яко Милосердая Мати, не престани молящи, Егоже родила еси, да дарует нам прощение многих согрешений наших, да спасет нас имиже веси судьбами. Помилуй нас, Владычице, помилуй нас, несть бо нам спасение от дел. Даруй нам умиление, покаяние и сокрушение сердечное. Сподоби нас по вся дни жизни нашея творити волю Сына Твоего и Бога нашего и во всем благоугождати Ему Единому. В смерти же час, Пресвятая Дево, избави нас (имена) от власти бесовския и осуждения, и ответа, и страшнаго испытания, и мытарств горьких, и огня вечнаго, да сподобльшеся Цар ствия Божия, величаем Тя и славим воплощшагося от Тебе Христа Бога нашего, Емуже слава со Отцем и Святым Духом, ныне и присно и во веки веков.

Молитвы ко Пресвятой Богородице на каждый день седмицы, подвижника Нило-Сорской пустыни, Преподобного иеросхимонаха Нила Сорского

Пресвятая Дево, Мати Господа, покажи на мне убозем древния милости Твоея. Ниспосли дух разума и благочестия, дух милосердия и кротости, дух чистоты и правды. Госпоже моя Пресвятая Владычице Богородице, Помощнице всему роду христианскому, избави мя то воздушных мытарств и умоли Сына Твоего, Христа Бога нашего, да приимет дух мой с миром. Владычице, призри милостиво на мя многорешнаго, укрепи мя немощного душою и телом, умоли о мне Бога и Сына Твоего, де не осудит мя по делом моим, а помилует по Его беспредельному милосердию. Пресвятая Владычице, Дево Богородице, приими молитву мою и сохрани мя от наглыя смерти и даруй мне прежде конца покаяние.