Осы жүйенің құрылымы оның шеңберінде қойылатын
мәселелердің қарым-қатынастарына, алдына белгілеген нысаналарына байланысты болуы қажет.
Республиканың өз
ресурстары
|
Халық шаруашылық салалары
|
Электр стансасының өз қажетіне жұмсау
|
Сурет
Имитациялық жүйе жасау мақсаты, республика электр энергиясының қорын энергобаланс шеңберінде, іс жүзінде кездесетін әртүрлі жағдайларды неғүрлым толық ескере отырып, тиімді тарату болады. Бұл үшін осы имитациялық жүйе бірімен-бірі байланысты мына мәселелерді шешуді қамтамасыз етуі тиіс:
- әртүрлі өндіріс салалары бойынша электр энергиясын пайдалану мөлшерлерін нормативтерге сәйкес есептеу;
- электр энергиясын іс жүзінде пайдалану мөлшерлерінің өзгеру заңдылықтарын анықтау;
- электр қорын өндіру және пайдалану мөлшерлерінің әртүрлі жағдайларға байланысты кездейсоқ өзгерістерін имитациялау;
- лимиттелген электр қорын пайдаланушылардың арасында тиімді бөлу;
- осы имитациялық жүйенің көмегімен әртүрлі факторлардың электр энергияны тиімді пайдалану барысына әсерін анықтау.
Осы келтірілген мәселелердің өзара қатынастарын талдау нәтижесінде имитациялык жүйенің мына жалпы құрылымын 13.9-суретте келтірілген күйде таңдап алуға болады. Енді осы құрылыммен танысайық.