Приложение 2. «Народ сей в житии своём нерадив, необычен мнится бытии, аки последний от людей всего мира

«Народ сей в житии своём нерадив, необычен мнится бытии, аки последний от людей всего мира. Обаче подобен лице зрением красоте народам европейским; ниже бо зверообразен, ниже коею черностию одержим, яко прочие народы: Ефтиопы, Калмыки. Возрастом знаменитых немнози обретаються, но средне возрастом; очес малых, легкостию знамениты, в крепости славими немнози. Зело же прост и гражданства всякого чужд, во всих своих обычаях наченше от первых предел жития их…Прост и дивный народ сей вящше нравообычаем своим звероподобен, чуждается, избегает всякого общения с иными гражданы, обыклвящше в пустынных обитати местах, иногда бо едина, иногда две юрты, еже есть жилища их, в пустом поставляють месте. Бывает же и множество юрт в собрании…Обще же все никаких писмен и учения не имеют, ниже прыемлють; сего ради ниже уставления какова, ниже законоположения содержать, но правительствуется естества законом, иже есть природное познание зла и добра…Но сей народ остяцкой добре хранящее естества закон и многие на сём утверждаху добродетели. Не слышно убо между ими краж, убийства и иных обид друг другу содевающих. Однако же, не без злоключения какового, приключается бо иногда противозаконная, но таких творящия зело жестокой и от среды себя извергають».