Припев: Пресвята́я Богоро́дице, спаси́ нас. Богоро́дичен: Спаси́ мя, Ма́ти Бо́жия,/ ро́ждшая Христа́ Спа́са моего́

Богоро́дичен: С паси́ мя, Ма́ти Бо́жия,/ ро́ждшая Христа́ Спа́са моего́, Бо́га и Челове́ка,/ сугу́ба естество́м, но не Ипоста́сию:/ Единоро́дна у́бо из Отца́,/ из Тебе́ же перворожде́на всея́ тва́ри.// Те́мже Тя вси при́сно велича́ем.

Кано́н му́ченика Рома́на, глас 4:

Припев: Святы́й му́чениче Рома́не, моли́ Бо́га о нас.

Тропарь: В се твое́ жела́ние, му́чениче, ко Влады́це просте́рл еси́/ и, многови́дныя ра́ны претерпе́в, Рома́не сла́вне,/ сла́вы неизглаго́ланныя получи́л еси́// и блаже́ннаго наслажде́ния. (Два́жды)

Сла́ва Отцу́, и Сы́ну, и Свято́му Ду́ху.

Тропа́рь: С е, вме́сто боле́зни сла́дость тебе́ пото́ка даде́ся, му́чениче,/ вене́ц нося́щу ти, Рома́не,/ и от кро́ве багряни́цу иму́щу:/ я́ко ши́пок благоуха́ющ и неувяда́ющ,// младе́нец закла́н был еси́ Христа́ ра́ди.

И ны́не и при́сно и во ве́ки веко́в, ами́нь.

Богоро́дичен: Т ы началороди́тельныя кля́твы земны́я, Де́во, изба́вила еси́/ и отве́рзла еси́ нам жизнь Еде́ма Рождество́м Твои́м па́че естества́.// Те́мже, веселя́щеся, Тя, Богоро́дице, велича́ем.

Катава́сия, глас 4:

Хор: Всяк земноро́дный/ да взыгра́ется, Ду́хом просвеща́емь,/ да торжеству́ет же Безпло́тных умо́в естество́,/ почита́ющее свяще́нное торжество́ Богома́тере,/ и да вопие́т:/ ра́дуйся, Всеблаже́нная,// Богоро́дице, Чи́стая Присноде́во.

Ектения́ ма́лая:

Диа́кон: П а́ки и па́ки ми́ром Го́споду помо́лимся.

Хор: Г о́споди, поми́луй.

Диа́кон: З аступи́, спаси́, поми́луй и сохрани́ нас, Бо́же, Твое́ю благода́тию.

Хор: Г о́споди, помилуй.

Диа́кон: П ресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю, со все́ми святы́ми помя́нувше, са́ми себе́ и друг дру́га, и весь живо́т наш Христу́ Бо́гу предади́м.

Хор: Т ебе́, Го́споди.

Иере́й: Я́ко Тя хва́лят вся си́лы небе́сныя, и Тебе́ сла́ву воссыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в.

Хор: А ми́нь.

Диа́кон: С вят Госпо́дь Бог наш.

Хор: С вят Госпо́дь Бог наш

Диа́кон: Я́ ко Свят Госпо́дь Бог наш.

Хор: С вят Госпо́дь Бог наш.

Диа́кон: Н ад все́ми людьми́ Бог наш.

Хор: С вят Госпо́дь Бог наш.

Ексапостила́рий воскре́сный пе́рвый:

С о ученики́ взы́дем на го́ру Галиле́йскую,/ ве́рою Христа́ ви́дети/ глаго́люща власть прия́ти вы́шних и ни́жних, научи́мся:/ ка́ко учи́т креща́ти во и́мя Отца́, и Сы́на, и Свята́го Ду́ха, язы́ки вся,// и пребыва́ти с таи́нники, я́коже обеща́ся, до сконча́ния ве́ка.