Слово о погибели рускыя земли

О свéтло свéтлая / и укрáсно укрáшена / зéмля Руськая! / и мнóгыми красóтами удивленá есù: / озéры мнóгыми удивленá есù, / рéками и клáдязьми месточéстьными, / горáми, крутыми холмù / высóкыми дубрáвоми, / чùстыми польмù, / дùвными зверьмù, / разлùчными птùцами, / бещùслеными городы велùкыми, / сéлы дùвными, / виногрáды обùтелными, / домы церкóвьными, / и князьмù грóзными, / бояры чéстными, / вельмóжами мнóгами. / Всего есù испóльнена земля Руская, / о прававéрьная вера християньская!

Отселе до угор и до ляхов, до чахов, от чахов до ятвязи, и от ятвязи до литвы, до немець, от немець до корелы, от корелы до Устьюга, где тамо бяху тоимици погании и за дышючим морем, от моря до болгарь, от болгарь до буртас, от буртас до чермис, от чермис до мордви, – то все покорено было богом крестияньскому языку поганьскыя страны великому князю Всеволоду, отцю его Юрью, князю кыевьскому, деду его Володимеру и Манамаху, которым то половоци дети своя ношаху в колыбели, а литва из болота на свет не выникываху, а угры твердяху каменыи городы железными вороты, абы на них великый Володимер тамо не вьсехал. А немци радовахуся, далече будуче за синим морем; буртаси, черемиси, вяда и мордва бортьничаху на князя великого Володимера, и жюр Мануил цесарегородскый опасъ имея, поне и великыя дары посылаша к нему, абы под ним великый князь Володимер Цесаря города не взял.

А в ты дни болезнь крестияном, от великаго Ярослава и до Володимера, и до ныняшняга Ярослава, и до брата его Юрья, князя володимерьскаго.