Дöрапас

Коми Республикалöн государственнöй дöрапас – тайö веськыд пельöса дöра, кöні вомöнног öта-мöд бöрся вылісянь улö лэччысь визьяс – лöз, турунвиж да еджыд.

Лöз рöм петкöдлö помтöм енэж, войвывса эрдъяслысь мичсö да отсö.

турунвиж рöм – лача да озырлун пас, гöгöрвоöдö помтöм-дортöм коми парма – коми войтырлысь медыджыд озырлун да олан-уджаланін.

Еджыд рöм петкöдлö коми мулысь сöстöмлун, вöрзьöдлытöм мичлун.

Кып.

Коми Республикалöн государственнöй кыпöн лоö Виктор Савинлöн «Варыш поз» сьыланкыв серти мелодия.

JJ Сёрнит ёртыдкöд канму пасъяс йылысь. Пырт сёрниö вöзйöм юалöмъяс.

– Кор вöлі примитöма Коми Республикалысь выль Оланподув?

– Коді веськöдлö Каналан Сöветöн?

– Кутшöм каналан кывъяс миян Республикаын?

– Мый серпасалöма канпасö?

– Кутшöм дöрапасыс?

– Коді лöсьöдіс кыпсö?

Видзöдлы кывъяс вылö да мöвпышт, кутшöм шыпасъяс оз тырмыны. Сетöм шыпасъясöн артмöд кывъяс.

ДРПС	НЖ	КНПС	ЙР РЪЯС	КП
ЛМ	ПРМ	ВРШ ПЗ	ЛБЧ	ЗРН НЬ

Удж. Лыддьы да гöгöрво Коми республикалысь кыпсö. Велöд наизусть.